Vienako kongresua

Vienako Kongresua 1814an deitua izan zen, Europa berregokitzeko helburuarekin.

Bertan, potentzia nagusiek parte hartu zuten, euren enbaxadoreek ordezkatuta: Austria (Metternich), Britainia Handia (Castlereagh), Errusia (Alexandro I.a), Prusia (Humbolt) eta Frantzia (Talleyrand). Espainiak, azaletik, bigarren mailako potentzia bezala esku hartu zuen.

Vienako Kongresuaren saioa. Irudia handitu

Vienako Kongresuaren saioa

Ideiak honako puntu hauetan laburbil daitezke:

Antzinako Erregimena berrezartzeko saiakera, Erresuma Batuak onartu ez zuena.

Legitimitatearen ideia, erregeen boterearen jatorri jainkotiarra berresten zuena. Printzipio honen arabera, Talleyrandek, Frantzian, Borboiak Luis XVIII.aren irudian berrezartzea lortu zuen.

Hau, boterearen erabileraren bidez boterea lortu zutenen aurrean, legezko autoritatez hornitutako monarkatzat hartuko zen, iraultzaile frantsesen eta Napoleonen kasuan bezala.

Estatuen arteko elkartasuna; horrek elkarrekiko lankidetza eskatzen zuen, mugimendu iraultzaile potentzialak neutralizatzeko gai zen politika komun baten bidez.

Bost potentzia handien arteko oreka bilatzea.

Europako mapa berria eratu zen

Mugen berrantolaketan, napoleondar konkistek aldatuak izan zirenak, ez ziren kontuan hartu asmo nazionalistak, ezta aurreko urteetan frantsesek beren tronuak kendu zizkieten printze batzuen eskubideak ere.

Hasier Chelh

Bost potentzia handien interesak nagusitu ziren:

Erresuma Batuak, lurralde-anbiziorik gabe, itsas domeinua lortzeko ahaleginak egin zituen.

Errusiak, besteak beste, Poloniaren zati haundi baten kontrola eta Finlandiaren anexioa lortu zituen.

Austria Lombardia eta Veneto italiarretan sartu zen eta Prusiaren aurrean Europa erdialdeko nagusitasuna mantentzen saiatu zen.

Prusiak Renania, Sarre eta Saxonia jaso zituen.

Frantzia, "Ehun Egunen Inperioaren" eta Santa Elenako Napoleonen behin betiko deserriaren ondoren, "Estatu-tapoiez" inguratua izan zen, bere hedapenaren balizko berpizkundea saihesteko asmoz. Horien artean, Herbehereetakoa eta Belgikakoa nabarmendu ziren.